Deskribapena
Historia
Arratiarrek Arratiako aranean (Bizkaian) dute jatorria, eta hortik datorkie izena. Arratiako gizonek ezkontzan janzten zuten jaka hau XIX. mendean. Askotan, jostun profesional batek egindako, are eta gehiago artilezko oihalez egindako, jantzi bakarra zuten; beraz, arratiarrak oso jantzi baliotsuak ziren, ekitaldi eta egun berezietan janztekoak bakarrik.
Guden eta denboraren ondorioz, arratiarrak desagertu egin ziren. Gaur egun, bi ale bakarrik gelditzen zaizkigu, eta oso egoera larrian gainera. Hauek eta beste dokumentu batzuk ikertuz, arratiarra errekuperatu dugu, bere ezaugarri bereziak errespetatuta, kolore berriekin eta gaurko gustuetara egokituta, zuk historia hau berriro janzteko aukera izan dezazun.
Oihala eta zaintzeko aholkuak
- Komposizioa: %100 artile merinoa.
- Barrualdea: jaquard forrua (%100 poliesterra)
Artilea munduko ehun natural zoragarrienetako bat da: biodegradagarria eta jasangarria da. Oro har, ardietatik ateratzen da artilea. Izan ere, neguan artileak babesten ditu ardiak hotzetik. Artileak propietate miresgarriak ditu, bereziki, kanpoko jantzietarako. Tenperatura erregulatzen du, neguan lehor eta bero egon gaitezen, hezetasuna xurgatzen du eta usain txarrekiko, lizunarekiko eta zikinkeriarekiko erresistentea da.
Artile merinoa, gainera, ile onenetariko bat da, oso fina eta leuna delako. Ehuna oihal bihurtzeko, hainbat prozesu mekaniko egin behar dira artilea konpaktatzeko; horri esker, ia guztiz iragazgaitza da, urarekiko eta haizearekiko erresistentea.
Nola zaindu? Ez ezazu gehiegi garbitu, beharrezkoa izan ezean. Denboraldi amaieran, lehorrean garbitu eta gorde ezazu, ahal izanez gero, pertxetan, toki lehor eta aireztatu batean, eguzki-izpietatik babestuta, hurrengo urtera arte.
Trazabilitatea eta jasangarritasuna
Jantzi honen artilezko oihala Leóngo herri batean irun eta ehundu du Espainian tradizioari eusten dion enpresa batek. Artilea animalien eskubideak behar bezala errespetatzen dituzten Palentzia eta Extremadurako artaldeetatik dator.
Janzki hau artisau eran eta maitasun handiz egin dute gure Gipuzkoako jostunek.
Jaka hauek eskatu eta gero josten ditugu, gain-produkzioa saihesteko eta oihalari etekin handiagoa ateratzeko. Sistema honeri #SlowFashion edo moda mantsoa deritzo.
